الشقق ذات المساحات الصغيرة ليست عيب وليست مسألة مزعجة بالعكس المساحات الصغيرة بتناسب ناس كتير لانها سهلة في تنظيفها و ايضا مناسبة للمقبلين على الزواج أو حديثى الزواج لان عددهم اثنين ليسوا في حاجة الى المساحة الكبيرة بالاضافة الى تكاليف شرائها العالية ولذلك فالمساحات الصغيرة لها مميزاتها التى تتناسب مع العديد من الاشخاص وللعلم فإن سعر المتر غالبا في المساحات الصغيرة اعلى من سعره في المساحات الكبيرة في نفس العمارة
ولذلك فإنه من المهم جدا الاستغلال الامثل لكل زاوية في المساحة الصغيرة فليس من المفضل ان يكون هناك اى هدر لأى جزء ولو صغير من المساحة التى هى بالاساس صغيرة
اليك بعض النصائح الهامة جدا لو شقتك صغيرة
استخدام الاضاءة الساطعة او القوية سيعطى اتساع وراحة نفسية للمكان
يفضل في المساحات الصغيرة استخدام الالوان الفاتحه لأنها أيضا تعطى اتساع و راحة للمكان مثل اللون الابيض مثلا ودراجات البيج الفاتح ودراجات الفستقى ودرجات اللون البنى كلها درجات من الممكن استخدامها في الشقق الصغيرة .
استخدام لون واحد للمساحة كلها والبعد عن كثرة الالوان فى الحوائط والبعد عن دهان كل حائط بلون او اننا ندهن الجزء الداخلي بلون و الجزء الخارجي بلون الافضل ان كل المكان يكون لون واحد .
المطبخ المفتوح يعتبر حل عملي ويعمل على توسيع منطقة الاستقبال ويضيف مساحة زيادة للشقة و ايضا يوفر علينا منطقة السفرة لان ممكن استخدام الكونتر ( بار المطبخ ) كسفرة
لو يهمك عمل سفرة يفضل استخدام تربيزة سفرة تكون صغيرة او تربيزة السفرة التى يمكن تطبيقها بحيث يتم تطبيقها وركنها علي في حالة عدم استخدامها
التقليل من عدد الكنب فمن الممكن استخدام كنبة واحدة ونزيد من عدد الكراسى هيكون افضل و سيزيد من وسع المساحة الصغيرة
استخدام الكنبة السرير حل مثالي بمعنى لو انا عندي كنبة في منطقة الاستقبال يفضل ان تكون بتفتح سرير دة ممكن استخدامه لوعندي ضيوف او كمان لو انا محتاج استخدم منطقة الاستقبال كبديل لغرف النوم . كمان لو هيا بتفتح وبداخلها مكان للتخزين لتوفير اماكن التخزين .
استخدام قطع الاثاث الشفافة ممكن تعطى راحة وجو رائع في الشقق الصغيرة ولن تعطى ايحاء الكتل الموجودة داخل البيت وكمان هتحسسني باتساع المكان
يفضل عدم استخدام قطع سجاد يعني ممكن استخدام الارضيه مباشرة بدون السجاد لان قطع السجاد ممكن تعمل زحمة لكن لو احتجت السجاد ضرورى نبعد عن النقوش الكبيرة ويفضل استخدمها بقطع صغيره وتكون الوانها هادية
استخدام النباتات في المساحات الصغيرة مهم جدا لانها تعطى طاقة واتساع و حيوية وروح داخل البيت
استخدام السرير الدورين ف غرف الاطفال يعتبر حل عملي وسهل وكمان بيوفر للاطفال مساحة للعب والحركة داخل الغرفة
استخدام سرير بداخله مكان للتخزين ( السرير بسحارة ) مهم علشان يوفرلنا اماكن تخزين اضافية
استخدام المرايات الكبيرة في المساحات الصغيرة مهم جدا علشان يدي اتساع ويضاعف الاضاءة للمكان
استخدام الرفوف او الشماعات او الدرسنج المفتوح داخل غرفة النوم بديل الدولاب يعطى اتساع للغرفة
استغلال الحوائط في عمل اماكن تعليق او ارفف لإستخدامها فى وضع اشياء المطبخ في حالة عدم وجود مساحات كافية
استخدام ورق الحائط حل مثالي لتجميل الجدران لكن يراعى استخدام ورق الحائط المقلم بالطول لانه يعطى اتساع للمكان
يفضل استخدام طاولات (التربيزات) ذات الشكل البيضاوي او المستدير طبعا هتوفرلنا في المساحة و كمان هتبقا الحروف بتاعتها ليست مانعة لمن يمر
البعد عن التفاصيل الكتيرة فى الاسقف ونحاول الا نستخدم مستويات كتيرة ف الجبسيوم بورد ويفضل طبعا عدم استخدام الجبسيوم بورد و نعتمد علي الاسقف الخرسانية لانها تعطى ارتفاع للسقف و تعطى اتساع للمكان ولو استخدمنا الجبسيوم بورد نبعد عن التشكيل و الزخارف و التقطيعات الكتير
ويفضل ان يكون السقف بمستوي واحد وايضا يكون لونه ابيض لان دة بيدي اتساع و ارتفاع للسقف .
كل الزوايا مهمة في المساحات الصغيرة ممكن نستغلها بشكل ممتاز يعنى مثلا نعمل في كل زاوية ركن من الهوايات التى نحبها أى نستغل كل ركن في توظيفة لهواية معينة سواء للقراءة او للقهوة او المزيكا المهم اننا لا نترك مكان بدون استغلاله داخل المساحات الصغيرة
